Siste dagen

I dag vakna me til relativt fint ver og då vart det ut på trimtur att. 

Dette er ikkje meint som skryt, men me har ei lang trapp her på Playa del Ingles og den måtte eg legge inn i trimruta mi. Opp der så fort eg greier er god trim. På toppen går pusten som ein blåsebelg og hjarta pumpar deretter.

Min andre tur i dag gjekk i turtempo. Det var områda med bustadblokker i San Fernando som var målet. 

Ei blokk er no ei blokk, men det som er spesiellt her mot heime er at trass i at det er så fint ute her heile året er husa bygde for å stenge sol og sommar ute. Ingen terrassar og persienner og gitter framfor mest alle vindauger.

Her er eit lite "snapshot" på veg heim som syner at litt vind og truande skyer i horisonten ikkje er til hinder for å komme seg ut rundt bassenget når ein ikkje har vore der på ein dag eller så.

Det siste måltidet ute vart der me har vore tre gonger allerede. 

Maten vart også nokså normal. Den var i alle fall varm. Dette er Alice sin porsjon. 

Eg valde spicy chicken. Den varma den også, på to måtar.

Med eit bilete av "kontoret mitt" markerar eg at no er turen slutt.  I morgon klokka 10.40 

+- 15 minuttar kjem bussen og hentar oss. Klokka 20.45 skal flyet vårt lande på Flesland. Søndag etter frokost startar turen attende til Luster.

Ser dykk der snart. Takk for føljet.

Ein dag att før heimtur.

 

I dag kom styggeveret litt ut på dagen. Me fekk nokre ordentlege regnbyer og då vert gatene fort fulle av vatn. Det er ikkje noko avløp for overflatevatn her,  alt som regnar må finne vegen sjølv gatelangs ned til stranda. Det var varsla ekstremver, men det trur eg ikkje ein kan kalle det som er komme til no.

Eg fekk meg ein liten trimtur rundt om hotelllet her før regnet kom. Sidan har me holdt oss på rommet vårt. Etter som timane går må ein finne på noko å få tida til å gå med. For enkelte av oss vart det å flytte koffertane våre inn i sofaen vår. Der har me så smått starta å førebu heimreise laurdag. Ein kan vel også skimte ein telefon, ein kryssord og ein TV-kontroll. Også det brukande tidtrøyter.

Miidagen gjekk me i kjellaren og kjøpte. Restauranten Rimini Italiano er to etasjar ned. 

Me bestillte begge Spaghetti Carbonara. Etter kvart var me svært godt utrusta til å ete spaghetti.

Som alltid var me svert glade og takksame for maten. Det var berre å velje seg tenleg reiskap.  Forretten må me heller ikkje gløyme. Kvitlauksbrød, av dei beste eg nokon gong har vore tilboden og så store at kelnaren anbefalte at me tok eit i lag. Så litt dessert til slutt.

Takk for i dag.

Nedtelling: To dagar att.

 

I dag har det vore ruskut her me bur. Det har vore vindkast på vindkast heile dagen så soling har det mest ikkje vore mogelgheiter for. Difor tenkte eg meg ned på stranda for å få nokre ordentlege ruskut, værbitt, bileter herifrå. Men vel nede på stranda var det  mest heilt vindstille og masse folk ute og sola seg.

Ikkje noko betre frå høgda. Havet låg der med ein passeleg otringsgråe. (for fiskarar som veit kva det er) Men uansett, det har vore vindfullt der me har vore.

I kveld har me vore på Yumbo senteret og ete middag i lag med tre kjenningar. Deretter vart det eit glas på Naboen.

No legg me oss, så får me sjå kva morgondagen bringar. Det er meldt om svært mykje  nebør og unntakstilstand, i alle fall på naboøya Tenerife.

Me bur i andre etasje i murbyggning så der vert det vel turt.

Takk for i dag

Tre dagar att

 

 I kveld gjekk turen til vår faste kinarestaurant. Meir har ikkje hendt i våre liv i dag. I alle fall ikkje noko som andre kan ha interresse av. Det har vore ein del vind men ikkje meir enn at det har vore solingsver mest heile dagen, for dei som prioriterar det høgt.

Og slik såg bordet vårt ut i starten. Det eg kallar isopor, fordi eg ikkje veit betre og sursøt saus til duppe.

Etter det vart det kvar sin vårrull som eg ikkje har dokumentasjon på.

Me valde Svin Chop Suey og sprø kylling i sursøt saus til hovudrett. Eggfried ris på oss begge.

Og plutseleg såg det slik ut. Me sleikte IKKJE talerkane.

Så gjekk turen til Kasba for Irish coffe, kaffi og is med frukt.

Tre dagar att ja. laurdag er reisedag så utpå formiddagen kjem bussen og hentar oss.

I morgon skal det regna i følje vermeldinga.

Takk for i dag

Tur til Puerto Rico

 

Dagen i dag er ikkje mykje å skrive om. Derfor vil eg skrive nokre ord om det me har vore med på i kveld. Det starta med ein busstur til Puerto Rico.

Der hamna me på kjøpesenteret der dei me skulle vitje sat og venta på oss ved inngangen.

Norvald og Gunn som dei heiter er erfarne besøkande her og dei veit kor det er aller best matoppleving og dit gjekk me. Det vart køståing for å få bord. Hovmeistaren var raskt ute og tok kontakt. Han lova oss plass så raskt som råd var.

Og det vart bryet verd. Laks med potetmos vart det me valde. Det ser kanskje litt tuske  ut slik som her, men dei hadde pynta så fint at eg fotograferte før potetstappa var tilførd.

Så gjekk turen til Lillebrors Party & Pianobar. Der fekk eg nokre ord og bilete av sjølvaste  Lillebror og Tore Halvorsen. Til orientering for lesarar som oppheld seg her nede: Tore skal synge der onsdag.

Og det var allt. Turen heim med buss gjekk upåklageleg.

Nok ein dag på Playa

 

I dag gjekk turen utanbys. Det vil seie over brua til den bydelen som heiter San Fernando og som lokalbefolkinga bur.

Men det var ikkje dit eg ville. Ein lustring vil sjølvsagt ut i naturen. Det vil seie vidare oppover, under motorvegen, dit det ikkje er hus.

Men det vart ikkje lengre enn at eg såg heimatt.

Her nermar eg meg sivilisasjonen att.

Og her er eg på trygg grunn att. Det var kanskje ikkje så mykje å skrive heimatt om, men det var berre dette eg opplevde på utflukta mi. Eg kan ikkje lyge heller.

Meir er det ikkje å sei om denne dagen, om du ikkje vil vete noko om at me åt middag og gjekk til Kasbah og tok oss eit glas etterpå.

Laurdag på Playa.

Han såg ut på det bårutte havet; der var ruskutt å leggja ut på; men der leikade fisk ned i kavet, og den leiken den vilde han sjå.

Eg måtte ty til Ivar Åsen i dag. Det bles godt på Atlanterhavet. Dette set store begrensingar på badeaktiviteten på stranda, men oppe mellom husa er det eigentleg greit. Sola skin gjennom ein tunn dis som kan vere calima, eg veit ikkje.

Det eg veit er at det er carnevalstid her og på min spasertur i dag møtte eg på reine folkevandringa av born og vaksne som hadde pynta seg til det.

Til og med ein sekkepipespelar var på veg til samlinga.

Så vart det laurdagskveld og karnevalet fortsette på og ikkje minst framfor sena.

Me fann oss ein rolegare plass og ordna oss med middag. Eg mottok min hengande.

Etter middagen gjekk turen innom den norske sjappa Naboen. Dette er som ein slags fristad for nordmenn. Det verkar som at dei fleste kjenner dei fleste, betjeninga kjenner alle og alle kjenner betjeninga. Rett og slett ein fristad for nordmenn.

Det var allt for i dag, den fyrste dagen eg har utfordra gnagsåret mitt for ein relativt lang men vellukka tur.

Dag sju, halvveges.

 

Desse telefonane våre er så mangt meir enn ein telefon. I dag vart me minna om alle dei fine turane våre i lag med naboane. Her sit me 4 fire (tre + fotografen) på den 8. turen hit i lag. Det vart 13 turar til saman. 

Kveldens tur for middag/kveldsmat vart ein kort ein. Me har restaurant i kjellaren så me slepp ut under open himmel for å nå dit. Litt dyr til kvardags men sidan det er fredag så kosta me på oss det.

Eg skal spare dykk for matbilete, i kveld vart det pasta bolognese. I staden kan de få sjå ølet mitt. Levert i glasflaske av finaste og sikkert dyraste slag.

Så må det også nemnast at i dag har me hatt ordentleg sydenver. Blå himmel heile dage med ei steikande sol over. Litt vind har det vore, men det har vore berre svalande. Slik vert det viss nok i morgon også.

Soling er som de veit ein hendingslaus aktivitet så meir er det ikkje å skrive om denne dagen i syden.

Takk for i dag.

Den sjette dagen

 

Nok ein dag utan dei store utfliktene. Mykje av dagen har gått med til kryssordløysing. Eg har kanskje nemt det før, men eg fekk meg eit saftig gnagsår andre dagen og etter det har eg vore forsiktig med å gå langt. Men i morgon reknar eg meg som friskmeld og dreg på tur att.

Det er karnevalstid her no. Det nemde eg visst tidlegare også, men i dag var det underhaldning frå sena i Yumbo-senteret. Finalen vert neste fredag, den dagen me reiser heim.

Dagens middag kjøpte me også på Yumbo-senteret. Me valde begge sverdfiskfilet og den var god.  Ein må prøve seg på slikt dei ikkje har på  Jokeren heime når ein er på langtur som no.

Som mest alle kveldane gjekk turen heim via Kasbah i kveld også.

Og til slutt: Etter nokre dager med ikkje heilt ideellt ver har det vore rett så fint i dag og det trur meteorologane det skal bli i morgon også.

Takk for i dag.

Dag 5, snart halvvegs

 

Kva er det med dette  biletet? Jo, sola skin men berre dei mest ihuga solar seg. Det har ikkje vore slikt ver me ynskjer oss i dag. Sola kjem og går og det same kan ein sei om vinden.

Likevel tok me turen ned til stranda i dag. Også der la det ustabile veret preg på folkelevet her. Meininga var å ta lunchen her men det slo me fort frå oss. Etter ei lita stund i sandstormen vende me kursen opp i byen att. Det var spansk omelett som var ynskjemålet vårt i dag. 

Etter å ha tråva halve byen rundt etter nokon som hadde dette på menyen, valde me til slutt det kjende Restaurant Jardin del Sol. Det var naboen vår i 17 år så der var me sikre på at dei hadde det. Spansk omelett har potetskiver i sjølve omeletten så det er ikkje heilt vanleg å få pomfritt til, men det var heilt ok.

Ein liten historie frå laurdag då me kom hit. Det fyrste me måtte gjere var å gå på butikken og kjøpe inn det me trong i kjøleskåpet. Eg fann varene og gjekk i kassen. Fram med kortet og betalte. Eg såg ikkje så nøye på prisen men i det eg gjekk ut hadde eg ein følelse av at noko var galt. Heimkommen såg eg på kontoen at det var trekt vel 2000 kroner. 

Så tok eg med meg alle varene attende i håp om å få godkjendt at eg hadde betalt for mykje.

Då eg nerma meg såg eg det var oppstyr i kassen. Ho som hadde ekspedert meg peika på meg og sa: Der er han.  Dei beklaga seg felt, ho i kassen stakkar, ny i jobben beklaga seg aller mest. Eg kjøpte tre tomater, totalt 3,5 hg. Ho stakkar hadde slege inn 35 kilo. 

Dagen etter hadde eg fått att pengane og tomatene fekk eg gratis.

Slik såg det ut då kveldens middag var innteken. Me valde kinarestauranten att i kveld.

Det var allt for i dag

Den fjerde dagen på sydenreise

 

I dag har me holdt oss heime på hotellet så me har ikkje noko å fortelje om. Derfor vil eg sjå litt attende på denne blogginga. Det de ser ovanfor her er ein internettkafe. Det var dit eg måtte gå i 2008 då denne reisebloggen kom til.

Dette er innholdet i den fyrste bloggen som var sendt herifrå. Det var to ting som var avgjerande for korleis den vart som den vart. Den måtte skrivast på tastatur utan æøå og med begrensa med tid. Me betalte for så mange minuttar me såg oss råd til og det var dyrt.

Allt til den sjuande dagen hadde eg løysinga på det med bileter. Eg kunne sende bileter på e-post frå telefonen min og deretter  gå på internettkafe og fylle på med tekst. Dette er eit bilete av utestolane våre som vart brukt til testmotiv.

Så, plutseleg skjer det noko likevel. Det er starten på karnevalet i dag og på veg til middag møtte me på to slike med musikk som høyrdest over heile byen og politi både før mellom og etter. Dette skal halde fram med ymse tradisjonar i ei og ei halv veke.

Erendet vårt var middag på Restaurant Jardin del Sol. Deretter gjekk turen til den norske kafeen Naboen der me møtte på tre kjenningar frå Årdal. Det vart til ein retteleg hyggjeleg kveld.

Det var alt for i dag.