Feriens aller siste dag.

Så har me snart brukt opp den siste dagen av ferien også. Den brukte eg og KA på "stamkafeen" vår nede ved stranda. Eg veit ikkje når me gjorde det til vane å stikka innom her for eit glas dei fleste dagane før vår daglege tur, men det må ha vore for ein 6 - 7 år sidan. Som de kanskje ser heiter den Long Beach og ligg heilt ned til stranda. Ikkje noko spesiellt med denne, både leiing og betjening har skifta mange gonger sidan me starta denne vanen.
Altså i dag kom me ikkje lengre enn hit så i dag blei det 2 glas på kvar i staden for det vanlege 1.
Det som kanskje har gjort at me har holde ved denne vanen er at det alltid har vore sjarmerande smilande og inkluderande personale her. Det er vel tre vi har forholdt oss mest til i år. Guten som er jøglaren blandt dei var ikkje på arbeide så derfor berre bilete av jentene hmmmm.

Dette er den mest sjarmerande og utadvente som verka for også å vera  arbeidsleiaren.

Og her er den meir beskjedne og sikkert nytilsette. Det verka som at ho steig i gradene medan vi var der, frå den som rydda og bar inn mat til å ta mot kundane og til å ta opp bestilling.
Om det blir fleire feriebloggar i år veit eg ikkje enno. Det blir i så fall ein kort mobilblogg frå turen heim i morgon.
Eg vil i alle fall takka alle som har fylgt oss på denne bloggen i år. Det har vore fint med attendemeldingane me har fått frå ymse hold og gjennom ymse kanalar.

Den nest siste feriedagen

I dag, på ferieturens nest siste dag gjekk eg og KA samme turen som på vår tredje dag her nede. Også i dag vil eg presentera sandkunsten som vert laga langs promenaden til San Augustin. Frå dengong hadde denne flinkaste av dei laga ein statue til. Som de ser av bilete er det imponerande storleik på dei. Denne gongen skal de også få sjå bilete av kvar einkelt av dei.

I dag har vore den varmaste dagen sidan me kom. Temperaturen har holdt seg rundt 30 i heile dag. 

Etter at me kom heim frå San Augustin har eg laga ei helsing til å senda på Radio Luster i morgon kveld medan Alice har vore i San Fernando på handel og kom strålande attende med posane fulle med klede til alle borneborna. Gled dykk mødre.

Den tredje siste dagen

I dag er det ikkje rart av hendingar å skriva om. Difor nokre ord om ølprisar og tyskarar. Ja engelske fotballsupportarar også forresten. For desse er det ein ting som er viktigare enn noko anna her nede på Afrika-holmane som ein tilskrivar benemde dei som i går. Den tingen er ølprisane. Som biletet visar er prisen på 0,4 liter øl kr 8,23 etter gårdagens kurs. Eg gjekk gjennom eit slikt "tysk" område i dag. I overgangen frå meir internasjonalt territorium var prisen 1,50 euro, litt lenger fram, der du ikkje såg frå inngangen vart den 1,30, så 1,20 og så til slutt 1,00 euro overallt. Den "vanlege" prisen er omkring 2,80 til 3,30 medan på dei typisk norske områda er prisen ofte 3,70 og meir.

Ellers kan det nemnast at det er Sanint Patricks day i dag. Irane sin nasjonaldag til minne om landet sin skytshelgen. Dette blir feira med Guiness øl og musikk og ikkje minst fargane grønt og oransje som er Irlands nasjonalfargar. Då eg gjekk forbi "festivalområdet" her i byen, i firetida, var festen allt i gang. Bandet var komme på scena og folk var komne både i synge og dansehumør.

I dag har Alice lege ved bassenget heile dagen medan eg har gått ein runde eller to i byen.

Det var allt for i dag. Så får me sjå om det er meir å skriva om våre bevegelsar i morgon.

Dag på stranda

Her ser de stoppestaden til damene i dag. Vi har vore på stranda for soling og spasering. Vi delte arbeidsoppgåvene slik at Alice og Oddrun tok seg av soling og bading medan eg og KA tok oss av spaseringa langs stranda.
Det har vore ein svært fin dag i dag. Kombinasjonen av strålande sol og heilt vindstille er ikkje så ofte me opplever her. Som de ser på biletet var det svært mange som hadde tenkt samme tanken som oss i dag.

Stranda var full av flotte badande damer så det var ikkje så lett å halda konsentrasjonen. Men vi klarde å halda oss. Vi gjekk heilt ut til neset og vel så det før me snudde og returnerte til startpunktet og ein bedre lunch. Under ser de Playa del Ingles i det fjerne i det me snur.

No er tida kommen for ein tur på byen. Det blir ein god middag på Trollstova før ferda går vidare til ei kneipe for ein dram eller to.

Carneval og båttur

Denne veka er karnevalsveke her på Playa del Ingles. Her ser de eit bilete av scena der det var opptreden i går kveld. Både opptoget gjennom gatene siste helga og kostymeframvisninga i går kveld er av imponerande kvalitet og kan godt samanliknast med det beste av slikt me ser på fjernsyn frå tid til annan. Årets avslutningsopptog får me ikkje sjå for me reiser heim dagen før.
Dagens program har innehaldt båttur til Puerto de Mogan. Her ser de båten me reiste med. Me var ca ein time til sjøss. Ein fin tur i strålande vær begge vegar.
Det var valfritt returtidspunkt så me stoppa nokre timar på endestoppen. Her ser de reiseføljet minus fotografen på handletur i Puereto de Mogan. Det vart tid til både shopping (glåming og kjenning på stoff), lunch og ein tur i båthavna. Det ligg svært mange fritidsbåtar i aller høgaste prisklasse her fast. Dei fleste har ein eigar oppe i Europa ein stad.

No blir det ein tur bort til naboen for ein jeger og ein cognac.

San Fernando sitt bedre strøk.

I dag har vore ein kviledag på sett og vis. Derfor vil eg visa dykk nokre bilete frå ein tur eg gjekk opp dit lokalbefolkninga bur. San Fernando heiter det der og dei gatene eg viser bilete frå er det finaste strøket. Som det fyrste biletet viser er dei ikkje redd for å legga nokre timar ekstra murararbeide i husa sine. Allt her nede er murt eller støypt og svært ofte er det belagt med stein av ymse fargar.
Det som ikkje er belagt med stein er måla, og då er dei ikkje redde for å bruke fargar. Rosa er ein av yndlingsfargane her. Etter det erfaringane eg har heimanfrå kan det tyda på at det er dei aller yngste i familien som får velja farge på husa.

På veg heim kom eg over denne snertne lastebilen. Bilmedrket Smart er det ein heil del av her nede, både den vanlege me ser heime i blandt og ein slags sportsmodell. Dette kan vel sjå ut som lastebilutgåva av same bil.

Til slutt nokre ord om livet her nede. Gårkvelden vart lang. Me trefte nokre Årdøler som lokka oss til ikkje å dra heim kl. 23 som vaneleg. Me vart derfor sittande på ein norsk bar som heiter Naboen til langt på natt. Når det gjeld bilete frå den tilstelninga viser eg til Facebook.

I dag har vore den finaste dagen så langt når det gjeld vær. Knallblå himmel og steikande hete så sjølv Alice måtte trekka inn i skuggen til slutt.

I morgon blir det båttur til Puerto de Mogan om allt går etter planen.

Gåtur til El Faro

I dag har spaserturen vår gått til Fyren, El Faro som det heiter på lokalspråket. Ein fin tur som kan takast to veger. Me kan gå i strandkanten rundt heile Maspalomas-ørkenen eller me kan gå gjennom bebyggelsen i Maspalomas. Me gjorde det siste begge vegar. Ein tur som går på breide fortau og gangvegar heile vegen.

Som her vert bevist, været var ikkje noko å sei på. For at ingen skal tru at me lyg stillte KA seg opp ved ein gradestokk av det store slaget

Mange slags tilbod er det langs vegane. Her ser de over elva til kamelridinga. Her kan du få vera med på kamel-rideturar rundt i utkanten av og kanskje litt inn i den vesle ørkenen her.

Maspalomas er kanskje mest kjendt for golf og hyttebyar. Her har me teke bilete ned på ein av desse hytteklynjene. Som dei lokalkjende sikkert vil oppdaga er biletet teke i bakken oppatt til Playa del Ingles.

Dette var ein liten minireportasje frå kara-turen. Damene har halde seg ved bassenget i heile dag så dei er etter kvart vorte noko sydlandske i utsjånad. Bileter av denne aktiviteten får me inntil vidare ikkje legga ut til ålmenta.

No sit me og vurderar å dra på båttur frå Arguineguin via Puerto Rico til Puerto de Mogan og retur. Den som kikkar innom her i morgon vil sjå om det blir noko av då.

Fredag Nærradiodag

I dag har eg laga reisebrev til lydarane av nattsendinga på Radio Luster i kveld. Ei lita forteljing om korleis me har det og korleis me opplever det å vere turist på desse turistmaskinene under sola. Eg har med ein liten harddiskopptakar heimanfrå. Den har eg lese inn helsinga på og sendt den på e-post til nærradioen. Der har dei lagt den inn til avspeling seinare i kveld.

Det var allt for i kveld. No skal me på kinarestaurant.

Riu Palace

Riu Palace nede ved sanddynene er det finaste og dyraste hotellet her på Playa. Her ser de inngangspartiet som me passerte på veg heim frå stranda i dag. Dette er etter værmeldinga den siste dagen med slikt vær at me får damene med på spaserturane våre. I morgon blir etter Yr si meining den fyrste av mange dagar med strålande sol. Ikkje for det, eg tykkjer det har vore strålande så langt også. Nokre få og tjue grader, stille og overskya er prima vær både til spasering og utpils. I kveld blir turen lagt til Kasbah og restauranten Padaban der dei har exellent Pizza i tillegg til ein heilt ok meny med alle andre slag mat.

dag 4. Avslapning

I dag er ein av dei dagane det ikkje er rart å skriva om. Det har vore overskya stort sett heile dagen så tida har vorte nytta til å rusle rundt i byen. Hovudstoppen vart ved stranda som vaneleg så derfor dette oversiktsbiletet teke på veg heimatt.

Kvelden i går vart nytta til ein triveleg tur til Puerto Rico. Der var me ute og åt middag med slektningar av Oddrun.

I kveld blir det ein tur ut for å ete middag her i byen.

Dag 3. Gåtur til San Augustin / Soling

Slike figurar laga i sand finns det alltid fleire av langs promenaden frå Playa del Ingles til San Augustin. Dei vert laga for fortenesta sin del. Kunstnaren har oftast lagt ut eit pledd eller liknande som dei forbipasserande kan kaste ned nokre slantar på.

Dette var utan tvil den mest imponerande i dag.
Eg og Knut Arvid har altså gått den fine turen til San Augustin i dag. Ein tur som tek ein times tid kvar veg. Det går gangveg heile vegen frå stranda på Playa til yttersete berget i San Augustin. For dei lokalkjende kan det opplysast at det no er opna oppatt ein liten serveringsstad i enden av vegen. Den har mangla i fleire år så det har liksom ikkje vore noko konkret mål å gå til. Men altså i dag nådde me målet og leska oss mede ein iskald halvliter med rim utanpå glaset til den nette pris av 2,30 euro som tilsvarar kr 18,90 .

Damene har sola seg ved bassenget i heile dag.

No er det lunchtid. Deretter vert det ein liten kvild før turen går til Puerti Rico der Oddrun har kjendtfolk frå heimetraktene me skal besøka.

Dag 2. Tur til Las Palmas

Lat meg fyrst slå fast. Debatten om bruk av setebelter i buss er ikkje like heit her nede som heime. Turen heim frå Las Palmas i dag gjekk 52 km på motorveg for full pinne med ca 15 ståpassasjera deriblandt oss fire.

Altså har vi vore på dagstur til Las Palmas i dag. Der inntok me lunch på restauranten McCarthy's. Der vart det både god mat og god drikke.

Restauranten ligg i ei gågate og hadde nokre utebord som me fekk plass ved etter litt listig venting. Medan vi sat der kom jammen sola også så det vart rett så fint.

Las Palmas er ein "ordentleg" by med 350 000 innbyggarar (Bergen ca 250 000). Når eg skriv "ordentleg" meinar eg by med alle funksjonar ein by skal ha og med byggningar frå mange tidsepokar- Ein ordentleg fin by det vesle me såg i dag

Været generellt har vore mildt, ca 24 grader, og heilt vindstille, Eit ypparleg vær for utflukter, men det er enkelte av oss som ynskjer å komma i gang med solinga. I morgon og onsdag melder Yr om delvis sol så då håpar eg at det skal berga husafreden framover.

Fyrste feriedag i syden

Så er ferien ordentleg i gang. Det har ikkje vore solevær i dag, 23 grader og overskya, så i dag gjekk me i samla flokk til "stamkafeen" vår. Der vart det ein øl eller to før me tok lunch. Også den på kafeen. Damene likar sjølvsagt å sole seg så dei hadde heilt sikkert sett pris på blå himmel, men når det vart som det vart så har me hatt ein fin dag.

På biletet over ser de Maspalomas-ørkenen. Biletet er teke på heimveg frå strandkafeen då eg og Alice tok ein liten omveg heim for å få ein liten "trimtur". I kveld blir det litt mat heime før me tek ein liten barrunde, mest truleg til dei norske kneipene som Naboen, Hurtigruta og Trollstua. Av shopping har det vorte litt barneklede som skal adresserast Trøndelag og eg har kjøpt meg ny hue. Dette var allt så langt, men det kjem meir i morgon.